1. Aintzat hartzea, hala erabakiz gero, Foru Lege proposamena, Nafarroako administrazio publikoetan, haien erakunde autonomoetan eta menpekoak diren zuzenbide publikoko entitateetan euskara erabiltzeari buruzko eta eremu ez-euskaldunean D ereduko hezkuntza-eskaintza aplikatzeko irizpideei buruzkoa. Navarra Suma talde parlamentarioak aurkeztu du.
2. Aintzat hartzea, hala erabakiz gero, Foru Lege proposamena, ekainaren 2ko 4/2008 Legegintzako Foru Dekretuaren bidez onetsitako Pertsona Fisikoen Errentaren gaineko Zergari buruzko Foru Legearen Testu Bategina hein batean aldatzen duena. Navarra Suma talde parlamentarioak aurkeztu du.
3 Aintzat hartzea, hala erabakiz gero, Foru Lege proposamena, Nafarroako Gobernuko kideen eta Nafarroako Foru Komunitatearen administrazioko goi karguen bateraezintasunei buruzko azaroaren 4ko 19/1996 Foru Legearen 3. bis artikuluko 5. apartatua indargabetzen duena. EH Bildu Nafarroa talde parlamentarioko Adolfo Araiz Flamarique jaunak aurkeztu du.
4. Mozioa eztabaidatu eta bozkatzea. Horren bidez, Nafarroako Gobernua premiatzen da zenbait neurri har ditzan, N-121-A errepideko tarte gatazkatsuenetan bide-segurtasuna hobetzekoak. Nafarroako Alderdi Popularreko foru parlamentarien elkarteko Javier García Jiménez jaunak aurkeztu du.
5. Mozioa eztabaidatu eta bozkatzea. Horren bidez, Nafarroako Gobernua premiatzen da ‘Diru-sarrerak bermatzeko sisteman zerga-kenkarien eredua ezartzeko aukerari buruzko azterlana’ abiaraz dezan. Nafarroako Ahal Dugu foru parlamentarien elkarteko Mikel Buil García jaunak aurkeztu du.
6. Mozioa eztabaidatu eta bozkatzea. Horren bidez, Nafarroako Gobernua premiatzen da 2030 Agendaren ezarpenean buru izan dadin. Nafarroako Alderdi Sozialista talde parlamentarioak aurkeztu du.
7. Mozioa eztabaidatu eta bozkatzea. Horren bidez, Nafarroako Gobernua premiatzen da Iruzur Fiskalaren aurkako Neurriei buruzko apirilaren 17ko 14/2013 Foru Legea aldatzeko foru lege proiektu bat aurkez dezan, Iruzur Fiskalaren Behatokia sortu ahal izateko. EH Bildu Nafarroa talde parlamentarioko Adolfo Araiz Flamarique jaunak aurkeztu du.
8. Mozioa eztabaidatu eta bozkatzea. Horren bidez, Nafarroako Gobernua premiatzen da kultur intereseko ondasun deklara ditzan Oronozko eta Endarlatsako zentral hidroelektrikoak. Navarra Suma talde parlamentarioko Isabel Olave Ballarena andreak aurkeztu du.
9. Mozioa eztabaidatu eta bozkatzea. Horren bidez, Lurralde Kohesiorako Departamentua premiatzen da abian jar dezan lantalde bat, tokiko administrazio osoan administrazio elektronikoa ezartzeko lanak koordinatuko dituena. Geroa Bai talde parlamentarioko Pablo Azcona Molinet jaunak aurkeztu du.