Nafarroako Parlamentuak aintzatesten du autonomoek Foru Erkidegoaren hazkunde eta garapen sozial eta ekonomikoari egindako ekarpena
Osoko Bilkurak onetsi du. 2024ko maiatzaren 2an
1.- Nafarroako Parlamentuak aintzatesten eta balioan jartzen du autonomoek gure erkidegoaren hazkunde eta garapen sozial eta ekonomikoari egindako ekarpena.
2.- Nafarroako Gobernua premiatzen da autonomoendako leihatila bakarra abian jar dezan.
3.- Nafarroako Gobernua premiatzen da administrazio barruko traba burokratikoak ken ditzan, izapide administratiboak errazteko.
4.- Foru Gobernua premiatzen da autonomoek langileak kontratatu ahal izateko neurriak abian jar ditzan.
5.- Foru Exekutiboari eskatzen zaio prestakuntza etengabea susta dezan lan autonomoaren bizitzan zehar.
6.- Nafarroako Gobernuari exijitzen zaio familia, lana eta bizitza pertsonala bateragarri egiteko neurri eraginkorrak eta langile autonomoen erantzukizun partekatua susta ditzan.
7.- Nafarroako Gobernua premiatzen da modu aktiboan lan egin dezan lan autonomoak dakartzan laneko arriskuen prebentzioaren arloan.
8.- Nafarroako Gobernua premiatzen da Lan Autonomoaren II. Plana onets dezan gehienez ere hiru hilabeteko epean.
9.- Gobernuari eskatzen zaio txostenak egin ditzan enpresa- eta enplegu-gaietan hartzen den neurri bakoitzak autonomoen jardunean duen eraginari buruz.
10.- Nafarroako Gobernua premiatzen da Nafarroako Lan Autonomoaren Kontseilua dei dezan, hilabeteko epean gehienez ere.
PPN talde parlamentarioak aurkeztu du.
1. eta 8. puntuak aho batez onetsi dira.
2. puntua UPN, PPN eta Voxen aldeko botoekin eta PSNren, EH Bilduren, Geroa Bairen eta Contigo-Zurekinen abstentzioekin onetsi da.
3, 4, 5, 6, 7, 9 eta 10 puntuak UPN, PSN, Geroa Bai, PPN, Contigo-Zurekin eta Voxen aldeko botoekin eta EH Bilduren abstentzioarekin onetsi dira.