Nafarroako Ondareari buruzko Foru Legeari egindako aldaketa onetsi da
Ondarearen gaineko eskumenak emanen zaizkio etxebizitzaren arloan eskuduna den departamentuari, zehazki Lurzoru Publikoaren Foru Bankuaren eta Etxebizitza izateko Eskubideari buruzko Legearen gainekoak
Gaurko Osoko Bilkuran, Parlamentuak aho batez onetsi du Nafarroako Ondareari buruzkoa den apirilaren 14ko 14/2007 Legea hein batean aldatzen duen Foru Legea.
Nafarroako 2016rako Aurrekontu Orokorrei buruzko Foru Legeari laugarren xedapen gehigarria erantsi zaio eta hortik dator Gobernuak bultzatutako araua. Xedapen horren bidez, Nafarroako Ondareari buruzko 14/2007 Legea aldatzen da.
Nafarroako Ondareari buruzko Legea Nafarroako 2016rako Aurrekontu Orokorrei buruzko Legean xedatutakora egokitzeko, 14/2007 Foru Legearen bigarren xedapen gehigarria aldatu da, etxebizitzaren arloan eskuduna den departamentuari ondarearen gaineko eskumenak emateko. Lurzoru Publikoaren Foru Bankua osatzen duten ondasunei eta eskubideei dagokienez.
Era berean, etxebizitzaren alorrean eskuduna den departamentua Nafarroan Etxebizitza izateko Eskubideari buruzkoa den maiatzaren 19ko 10/2010 Foru Legean xedatutakoaren babespean erosi diren etxebizitzak kudeatzeko eta besterentzeko gaituko da.
www.parlamentodenavarra.es
Foru Lege Proiektuaren argitalpena (NPAO, 42. zk., 2015-12-15ekoa)