Nafarroako Parlamentuko Osoko Bilkura minutu bateko isilunearekin hasi da gaur, Nafarroan lan istripuan zendutako azken langilearen memoriaren alde. Istripua urriaren 6an jazo zen, Funesko elikagai produktuen lantegi batean makina batek langilearen besoa harrapatzean.

Unai Hualdek, Parlamentuko Lehendakariak, Legebiltzarraren dolumina eta elkartasuna helarazi die Homada Hasnaoui jatorriz marokoarra eta Fiteroko bizilaguna zen 29 urteko langilearen familia eta lagunei.