Irene Royok (PPN) adierazi duenez, PSOE-ERC akordioak "administrazioen finantziazioa kolokan jartzen du eta Nafarroari eta bere zerga sistemari eraginen dio. Guri sortzen digun zalantza da Gobernu honek nola konpentsatuko dituen ondorio negatibo horiek", esan du," Nafarroak ezin du akordioaren bidesaria ordaindu zergak igota".

Jose Luis Arasti Nafarroako Gobernuko Ekonomia eta Ogasun kontseilariak PSOEren eta ERCren arteko itunari buruzko "gezurrik edo desinformaziorik" ez zabaltzeko eskatu dio PPri.

“Irakurri al duzu aipatzen duzun akordio horren edukia? Izan ere, denok ikusi ahal izan dugun sarrera labur batetik haratago, non finantzaketa bereizia aipatzen den, ez da besterik esaten. Gehiago jakinez gero, azaldu ahal izanen zeniguke akordio horren edukia eta nola agoen adierazita", esan dio Irene Royo PPko legebiltzarkideari ostegun honetako osoko bilkuran.

"Fiskalitatea diru-sarreren eta estrategia ekonomikoaren funtsezko zutabe gisa jorratzeko beharrari" buruzko, PPNren interpelazio bati erantzunez, Arastik uste du Royok itun horren edukia irakurri badu benetako pribilegiatua" dela. Guk ez, eta horregatik ez dugu onartu behar gezurrak edo desinformazioak zabaltzea, ezta Foru Komunitateari eragiten ez diguten eta kezkatzen ez gaituzten gaietan sartzea ere", adierazi du.

Ildo horretan, “harrigarritzat” jo du, akordioa ezagutu ez arren, Royo "zalantzan jartzeko eta bere ondorioak ateratzeko gai izatea Sanchezek esan dituen hitz batzuetatik abiatuta". “Guk Estatuarekin dugun aldebiko esparruak zuek sartu nahi gaituzuen horretatik ateratzen gaitu, hain zuzen ere, eta une hori iristen denean aldebiko negoziazio-esparru horretan defendatuko dugu, beti egin dugun bezala", gaineratu du.

Arastik esan duenez, PPn "lehentasuna herritar guztien ongizatea ez den fiskalitatea defendatzen dute, Nafarroan egiten denaren oso bestelakoa. Zuek nahiago duzue gutxi batzuei mesede eginen dieten neurri fiskalak martxan jartzea, eta, gainera, neurri horiek beti bat datoz gehien dutenen eta horretarako gaitasuna dutenen interesekin. Bistan da hor ez garela inoiz elkartuko. Etengabe hitz egiten duzu PSOEren eta ERCren arteko akordioaz, eta Nafarroan gure ikuspuntua edo gure jarrera ematen saiatzen zara. Ez dakit zergatik, dagoeneko zuen diagnostikoa egin baituzue", kritikatu du.

Nolanahi ere, azpimarratu duenez, “Nafarroan, Gobernu honen kezka gure errealitatea da. Hain zuzen ere, gure Foruak ematen digun hori, Konstituzioak berresten duena eta gure diru-sarrerak kudeatzeko aukera ematen diguna, baita lurralde guztiekin solidarioak izateko eta Estatuarekin aldebiko harremana izateko aukera ematen diguna ere, izan ere, Estatuak, urtez urte, bere fruituak ematen ditu, batzuen gogoz kontra bada ere", azpimarratu du.

Zentzu horretan, "jendea ez nahasteko edo nahasten saiatzeko" eskatu dio Arastik PPri. Zuek ere nafarrak zarete, ez bat egin ezjakintasunagatik edo gaiztakeriagatik, gure marko fiskala baliatuz, Konstituzioak berretsitakoa, gurea ez den leku batean jarri nahi gaituztenekin. Albiste bikaina izanen litzateke Nafarroako herritarrentzat, eta baita haien alderdi politikoarentzat ere, aipatzen gaituzten eta Nafarroako idiosinkrasia gutxietsi nahi duten mantra eta jarrera batzuetatik aldentzea", esan du.

Gainera, "gure fiskalitateaz hitz egiteko, Zerga Neurrien hurrengo legeari begira buru-belarri lan egiten baitugu, bere alderdiak Madrilen duen ildo ofiziala aipatu behar du. Guri axola zaiguna gure nortasunaren defentsa da. Ildo horretan ari gara lanean, eta horrela jarraituko dugu, gure mugetatik kanpo gertatzen dena gertatzen dela ere. Estatuarekin Hitzarmen Ekonomiko bat dugu, eta uste dut primeran ezagutzen duzula, edo ezagutu egin beharko zenukeela", azpimarratu du.

Irene Royok (PPN) adierazi duenez, PSOE-ERC akordioak "administrazioen finantziazioa kolokan jartzen du eta Nafarroari eta bere zerga sistemari eraginen dio. Guri sortzen digun zalantza da Gobernu honek nola konpentsatuko dituen ondorio negatibo horiek", esan du," Nafarroak ezin du akordioaren bidesaria ordaindu zergak igota".

Javier Esparzak (UPN) uste du interpelazioak "PPk Kataluniaz hitz egiteko zuen premiari" erantzuten diola, izan ere, "niri zerbait ihes egiten ez badit, Nafarroako politika fiskala Nafarroako Gobernuak definitzen du. ERCk ez du definitzen Nafarroan dagoen zerga-politika, eta Kataluniako Alderdi Sozialistak ere ez. ERCren eta PSOEren arteko akordioak beste gauza batzuetan eragin ahal izanen digu, baina ez dut uste zerga-politikan eraginen duenik", azaldu du.

Ainhoa Unzuk (PSN) adierazi duenez, “bere diskurtso zoroarekin”, Royok “Nafarroako foru erregimena kolpe batez suntsitu du. Nafarroa foru erkidego bat da, eta bere zerga- eta finantza-jarduera Estatuarekin duen hitzarmen ekonomikoaren bidez arautzen da. Hitzarmen hori itundua, aldebikoa eta mugagabea da, eta, beraz, ez du zerikusirik erregimen komunean gertatzen den finantzaketa autonomikoaren eztabaidarekin", aldarrikatu du.

Laura Aznalek(EH Bildu) zehaztu duenez, "Kataluniarentzat adostutako finantziazio berezia guztiz legitimoa da. Bada garaia Estatuaren nazio aniztasuna onartzeko eta finantzaketa ereduaren eztabaidak errealitate horrekin lotzeko”, esan du, "Nafarroan daukagun hitzarmen ekonomikoa, eskuinak beti zalantzan jartzen duena, solidarioa da".

Pablo Azconak (Geroa Bai) uste du "antiforalista izatea Nafarroako hitzarmena eta foru erregimena jaurtitzeko arma gisa erabiltzea" dela, eta "erregimen komuna foru erregimenarekin alderatzea. Hori bai dela Nafarroako eskubide historikoei eraso egitea".

Miguel Garridok (Contigo-Zurekin) nabarmendu duenez, PSOE-ERC ituna "ez da gobernu baten akordioa, bi alderdi politikoren akordioa baizik. Hori pentsatzen baduzue Kataluniako erregimen berezituari buruz, zer deritzozue Nafarroako erregimen berezituari?”, galdetu dio PPri.

Maite Nostik (Vox) kritikatu duenez, "Nafarroan, bere fiskalitate propioa izan arren, Gobernu honek, bazkideen oniritziarekin, bere enpresei eta herritarrei aplikatzen dizkien zergak izugarri handiak dira. Premiazkoa da zergak masiboki jaistea. Esanen duzue zergek ongizate-estatuari eusteko balio dutela. Zuei axola zaizuen ongizate bakarra zurea da, ez duzue inoiz pentsatu nafarrengan, ezta gainerako espainiarrengan ere", esan du.