Ekonomia Sozialaren VI. Unibertsitate Asteko ekitaldi nagusia eginen da astearte honetan, apirilaren 1ean, Nafarroako Parlamentuan: Erro Kooperatiboak: Hezkuntza eta Enpresak Etorkizuna Eraldatzen jardunaldia, hain zuzen ere. Nafarroako Unibertsitate Publikoko Ekonomia Sozialaren eta Kooperatibismoaren Katedrak antolatu du. Hitzaldi eta mahai-inguruen bidez, kooperatibismoaren printzipio eta balioak aztertuko dira, eta aztertuko da, orobat, enpresa-eredu horrek nola laguntzen duen ekonomia bidezkoago eta jasangarriago bat izaten.

Nafarroako Parlamentuko lehendakari Unai Hualdek eta Eskubide Sozialetako, Ekonomia Sozialeko eta Enpleguko kontseilari Carmen Maeztuk emanen diote hasiera jardunaldiari (10:00, atalondoa).

Gero, hezkuntzaren eta kooperazioaren esparruko ikerketan, prestakuntzan eta proiektuetan egindako aurrerapenak aurkeztuko dituzte Iñaki Mendioroz, Nafarroako Gobernuko Ekonomia Sozialeko eta Laneko zuzendari Nagusia, Sandra Caverok, NUPeko Ekonomia Sozialaren eta Kooperatibismoaren Katedrako zuzendariak, Maitane Buenok, Laboral Kutxako eskualde-zuzendariak, Lucas Álvarezek, Tafalla Iron Foundryko lehendakariak eta Rafael Larak, NUPeko katedradunak.

Horren ondoren (10:30), EdukaCoop – Euroeskualdeko kooperazio-ingurune batean ereindako haziak ekimena eginen da eta (10:40) zenbait enpresak azalduko dute nolakoa izan den beren esperientzia printzipio horiek hezkuntza-esparruan eta ikasleen artean sustatzean. Parte hartuko dute, orobat, Juanma Garrok (Lacturale), Miren Erañak (Ausolan) eta Isabel Elizaldek (Malerreka Common Zerbitzuak).

Jarraian (11:00), Kooperatibismo Lehiaketan finalista izan diren 3 ikastetxeetako bideoak ikusiko dira. Horren ostean (11:15), elkarrizketa eginen da ikastetxe horietako ikasleekin, jardueran izandako esperientziaren eta kooperatibismoari buruz ikasitakoaren inguruan.

Gero (11:30), sariak eta aintzatespenak banatuko zaizkie ikasleei eta irakasleei.

Ignacio Ugaldek, ANELeko lehendakariak, eta Carlos Gimenok, Nafarroako Gobernuko Hezkuntzako kontseilariak, emanen diote itxiera jardunaldiari (11:40).

Nafarroako Parlamentuko atalondoan eginen da jardunaldia, 10:00etatik aurrera.