NAFARROAKO PARLAMENTUKO MAHAIAK ETA ELEDUNEN BATZARRAK GAUR –ASTEAZKENA, AZAROAK 20– EGINIKO BILKURAN HARTUTAKO ERABAKIAK

Nafarroako Parlamentuko Mahaiak eta Eledunen Batzarrak bilkura egin dute gaur –asteazkena, azaroak 20–, 13:00etan, eta honako erabaki hauek hartu dituzte:

FORU LEGE PROIEKTUAK:

- Zenbait zerga aldatu eta beste tributu-neurri batzuk hartzeari buruzko Foru Lege proiektua. (10-19/LEY-00014). Zuzenketak aurkezteko epea abiarazi da, abenduaren 9ko 12:00ak bitarte.

- Pertsona Fisikoen Errentaren gaineko Zergari buruzko Foru Legearen testu bategina hein batean aldatzen duen Foru Lege proiektua. Zuzenketak aurkezteko epea abiarazi da, abenduaren 9ko 12:00ak bitarte.

- Ondarearen gaineko Zergari buruzko Foru Legea hein batean aldatzen duen Foru Lege proiektua. Zuzenketak aurkezteko epea abiarazi da, abenduaren 9ko 12:00ak bitarte.