Parlamentuko Osoko Bilkurak, SNk, Bildu-k, Aralar-Nabaik, PPNk, I-Ek eta atxiki gabekoek haren alde emandako botoekin eta UPNk haren aurka emandako botoarekin, Nafarroako Kontu Orokorrei eta finantza eragiketei dagokienean Nafarroako Kontu Orokorrei eta finantza eragiketei dagokienean Nafarroako Ogasun Publikoari buruzko 13/2007 Foru Legea aldatzen duen lege proposamena aintzat hartzea onetsi du gaur.

Atxiki gabekoek bultzatu duten lege proposamenaren xedea da kudeaketa publikoarekiko dagoen “konfiantza eza” desagerraraztea, horretarako erakundeek “haien kontuen egoerari eta hartzen dituzten arriskuen nondik norakoei” buruz ematen duten informazioaren “kantitateari eta kalitateari” dagokionean “gardentasun” parametro berriak sartuz.

Horretarako, proposatzen da Nafarroako Aurrekontu Orokorrei buruzko Foru Legeak zehaztu dezan Foru Komunitateko Administrazioak eta haren mende dauden entitateek eman ditzaketen bermeen gehieneko arrisku bizia zein izango den, halako moduan non bi kolektiboek urtero jakingo duten eragiketa horien mugak zeintzuk diren, baita ekitaldian eman daitezkeen bermeen bolumenari dagokionean ere.

Ildo horretan, aurreikusten da, Parlamentuak berariaz baimendu ezean, pertsona fisiko eta juridikoek ezin izango dutela aurrekontuei buruzko legean xedatzen den gehiengo arrisku biziaren % 5a baino altuagoa den berme baten onuradun izan, izan Foru Komunitateko Administrazioarentzat izan haren mendeko entitateentzat (mendeko enpresa entitate publikoak, fundazio publikoak eta sozietate publikoak).

Bestalde, kontabilitatearen arau orokorrei dagokienez, ondasun, eskubide eta betebehar guztiak eskuratze prezioaren edo ekoizpen kostuaren arabera ager daitezen aurreikusten da. Eta, Kontuen Ganberak oroitarazikoarekin bat eginez, erabilera publiko orokorreko azpiegitura eta ondasunak ibilgetuen barruan sar daitezen sartzea eskatzen da.

Kontu orokorrei dagokienez, memoria globalak balantzean, ondarearen emaitza ekonomikoan eta aurrekontuaren likidazio-egoeran jasotzen den informazioa osatu eta komenta dezan proposatzen da. Zehazten denez, xedea etorkizuneko ekitaldien kargura eskuratutako gastuen konpromisoei buruzko datuak era xehatuan edukitzea da, halako moduan non Foru Komunitateak bere gain hartutako zorpetzearen eta bermeen garapena zehaztasun handiagoz ezagutu ahal izatea da, izan zuzenean, izan haren mendeko entitateen bidez.

Testuinguru horretan, Audenasa eta Parques de la Naturaleza de Navarra (Sendaviva) sozietateen kontuak eduki ahal izateko, publikoak izan ez, baina merkataritzaren araudiari jarraiki mendeko edo talde anitzekotzat hartzen diren sozietateen urteroko kontuak sartzea aurreikusten da.

• www.parlamentodenavarra.es
• Foru Lege proposamenaren argitalpena (NPAO, 110. zk., 2013-09-30ekoa)

Nafarroako Ogasun Publikoari buruzko Legea aldatzen duen proposamena aintzat hartzea bazter utzi dute

Nafarroako Gobernuak mailegu-emateari dagokionean duen eskumenari araudian mugak jartzea proposatzen zuen

Parlamentuko Osoko Bilkurak, UPNk eta SNk haren aurka emandako botoekin eta Bildu-k, Aralar-Nabaik, PPNk, I-Ek eta atxiki gabekoek haren alde emandako botoekin, Ogasun Publikoak mailegu-emateari dagokionean Nafarroako Ogasun Publikoari buruzko 13/2007 Foru Legea aldatzen duen proposamena aintzat hartzea bazter utzi du gaur.

Atxiki gabekoek bultzatu duten lege proposamenaren xedea Nafarroako Gobernuak mailegu-emateari dagokionean duen eskumenari araudian mugak jartzea zen.
Azaltzen zenaren arabera, Nafarroako Ogasun Publikoak ematen dituen jesapenak legez baimendu behar ziren eta, Parlamentuak berariaz baimendu ezean, ezin izango ziren Aurrekontu Orokorrei buruzko Foru Legean ezarritako gehieneko arrisku biziaren % 5a baino handiagoa izan, ez eta lege horretan ezarritako gehieneko tasaren % 50a baino txikiagoa den interes-tasa batean eman ere; halaber, amortizazio-epea ezin izango da 4 urte baino gehiagokoa izan. Mailegu finalisten kasuan, Parlamentuak salbuetsi ezean, xedea bete dadin beharrezko neurriak hartzen direla ziurtatu beharko da.

Zioen azalpenean, proposatzen dutenek 2006an Tuterako Udalari emandako mailegu finalista bat dela-eta bizitako egoeraren antzekoak saihestu beharra dagoela aipatzen dute, izan ere, eragiketa horrek “normaltzat har litezkeen jarduketa-mugak gainditzen” ditu, ez baitziren hipotekaren zergatia “ziurtatzeko beharrezkoak ziren tresna juridikoak aurreikusi” (“ez da zehaztutako xedera bideratu”); 16 urteko amortizazio-epea ere ez da nahikoa izan -2011n hiru urtean luzatu zen-.

• www.parlamentodenavarra.es
• Foru Lege proposamenaren argitalpena (NPAO, 132. zk., 2013-11-15ekoa)