Eledunen Batzarrak adierazpen instituzional bat onetsi du, zeinaren bidez Nafarroako Parlamentuak bat egiten baitu Migratzaileen Nazioarteko Eguna dela-eta eginen diren ekitaldiekin. PSNk, Geroa Baik, Podemos-Ahal Duguk eta Izquierda-Ezkerrak aurkeztu dute.

Onetsitako adierazpen instituzionalak honako hau dio:

1.- Nafarroako Parlamentuak bat egiten du Migratzaileen Nazioarteko Egunaren 2022ko ospakizunarekin.

2.- Nafarroako Parlamentuak legezko bide seguruak aldarrikatzen ditu migratu beharra duten pertsona guztientzat.

3.- Nafarroako Parlamentuak foru-erkidegora iristen diren migratzaileei harrera egitearen eta horiek gizarteratzearen aldeko apustua egiten du, Nafarroa anitza, solidarioa, aberatsa eta askotarikoa sortzen laguntzen dutelako.