Parlamentuko lehendakariak, Unai Hualdek eta Eskola Kontseiluko lehendakariak, Manuel Martínek, bi erakundeek 2012az geroztik duten lankidetza hitzarmena berritu dute gaur.

2023ra arte berritutako hitzarmenaren helburua da Kontseiluak Nafarroako hezkuntza komunitatearen topaketen eta parte-hartzearen arloan egiten dituen jarduerak bultzatu eta erraztea. Hori guztia, “herritarrek parte hartzeko espazioak irekitzeko Parlamentuak duen konpromisoaren baitan, erakundearen beraren eta Nafarroako gizarte osoaren arteko elkargune gisa, herritarren interesak Ganbera legegilearen jarduerara hurbiltzeko bideak zabaltzeko”.

Manuel Martínek azaldu duenez, Nafarroako Eskola Kontseiluaren Arratsaldeak zikloari ekingo zaio berriro, zeintzuk, jardunaldi labur batzuen bidez, hezkuntza-komunitatearentzat interesgarriak eta gaurkotasunekoak diren gaiak jorratzen diren, adituen hitzaldi eta mahai-inguruen bidez.

Hezkuntza Itunean murgilduta egoteaz gain, Nafarroako Eskola Kontseilua lanean ari da Errepikapenari eta eskola uzteari buruzko jardunaldi batzuetan, baita gizarteratzeari buruzko beste batzuetan ere, eta Martinek adierazi duenez, asmoa Nafarroako Parlamentuan ospatzea da.

Unai Hualdek adierazi du Legebiltzarra prest dagoela Eskola Kontseiluarekin elkarlanean jarraitzeko, hezkuntza sistemaren azterketa eta hobekuntzarekin zerikusia duen orotan. “2020rako, eta beste gai batzuk definitzen diren bitartean, hitzarmenaren jarraipen-batzordean dagoeneko aipatu dugu gai batzuk jorratzeko aukera, besteak beste, maiatzean eskola uztea eta irailean gure hezkuntza-sistemak eleaniztasuna izatea, hizkuntzen Europako egunean”.

Nafarroako Eskola Kontseilua da hezkuntza komunitateak Nafarroako unibertsitatez kanpoko irakaskuntzaren plangintzan parte hartzeko duen organo gorena, eta bertan hezkuntzarekin zerikusia duten sektore nagusiak daude ordezkatuta. Irakaskuntzaren programazio orokorraren hainbat alderdiri buruzko nahitaezko irizpenak egiteaz gain, honako helburu hauek ditu, besteak beste: hezkuntzaren alderdi garrantzitsuei buruzko azterlanak eta txostenak egitea, egindako azterlan eta txostenak eta Nafarroako hezkuntza-komunitatearentzat interesgarriak diren gaiak zabaltzeko jardunaldiak antolatzea.